SEGUNDA AVALIACIÓN.

  

Á volta de vacacións de Nadal comenzamos a segunda avaliación ca unidade 4: A vida.

Actividade 18: Laboratorio (repaso)

 Para rematar cas tarefas do trimestre imos a repasar algunhas cousas xa estudadas.

Ide ao seguinte enlace Laboratorio

e facede o seguinte:

- Ler o repaso de magnitudes e unidades.

- Repasar as imaxes do material de laboratorio.

- Repasar as normas de seguridade do laboratorio.

- Facer o xogo e o aforcado.

 Lémbrovos que na páxina deste blog chamada UNIDADES DO CURSO tedes todo o que imos a traballar nesta materia. O previsto é facer dúas unidades por trimestre.

O ACUARIO: A DUREZA.

 O derradeiro parámetro que ides a comprobar é a dureza da auga é a concentración de compostos minerais nunha determinada cantidade de auga, especialmente sales de magnesio e calcio. A auga coñecida como "dura" ten unha alta concentración destes sales e a auga "branda" contén moi pouca.

Mídese en  mg/l de CaCO₃ pero para os acuarios emprégase a dureza xeral, que basicamente abrangue todas as sales disoltas na auga e soe aparecer indicada con gH. 

Dependendo das especies de peixes que teñamos a dureza da auga do noso acuario pode variar, pero en xeral a manteremos en valores de 150 mg/l.

ACUARIO: OS COMPOSTOS DE NITRÓXENO.

O terceiro parámetro que ides a medir para controlar a calidade da auga do acuario e a cantidade de nitróxeno (N) que hai na auga.

O nitróxeno na auga non está como tal (N) senon formando parte doutros compostos como os nitratos (NO3), os nitritos (NO2-) e o amoniaco (NH3). Os dous primeiros son necesarios para a boa saúde de plantas e animais, pola contra o amoniaco é producido polos seres vivos como unha substancia de refugallo e a súa acumulación é perigosa.

Co paso do tempo os tres compostos vanse acumulando nas augas e, como todo en exceso, pode ser mortal para os peixes ao tempo que favorece a aparición de algas que a súa vez é malo para as plantas.

Para manter saudable o acuario e garantir a saude dos seus habitantes os niveis de, por exemplo, os nitritos deben de ser os máis baixos posibles na escala de medición.

Explicareino en clase.

 

Actividade 17: Algúns cintífic@s (Louis Pasteur)

  Continuamos estudando cientificas, neste caso Louis Pasteur.

Tedes que facer o seguinte:

1. Procurar información en internet sobre o científico: onde e cando naceu e morreu; en que ciencia/s destacou; que premios obtivo na súa traxectoria.

2. Que é a pasteurización?

3. Pasteur chamo a súa técnica "vacunación". Por que ese nome?.

4. Indica catro enfermidades infecciosas que poideron ser controladas mediante as vacinas.

Actividade 16: O laboratorio (cuestionario final)

 Contesta as seguintes preguntas sobre a presentación. Están desordeadas, así que terás que buscar.

1. Que son os produtos volátiles? pon algún exemplo.

2. Interpreta a imaxe. Na diapositiva 8 aparece a imaxe dun produto empregado no laboratorio. Fíxate na etiqueta e indica: cal é a súa perigosidade? como hai que interpretar as letras R e S? 

3. Por que pensas que non se debe comer ou beber no laboratorio? debemos de considerar que todos os produtos de laboratorio son perigosos?

4. Que é o protocolo PAS? a quén teríamos que avisar segúndo o protocolo?

5. Na diapositiva 9 aparece unha infografía dos diversos riscos ao traballar no laboratorio. Busca o significado de: tóxico, inflamable, comburente, corrosivo.

6. Que pode ser o risco biolóxico? busca exemplos. en que zonas pode haber máis risco magnético?

Actividade 15: Outro material de laboratorio.

 Lóxicamente o material que podedes atopar nos laboratorios do instituto é moi básico, pois a súa función non é a de investigar senón a de complementar as materias de ESO e bacharelato.

Nesta actividade ides a ampliar a información sobre outros materiais máis complexos e especializados que forman parte de laboratorios relacionados cos contidos da materia..

Instrucións:

- Escolle 5 aparatos dos indicados a continuación. Busca as súas imaxes en internet.

- Fai unha entrada no teu blog e "colga" as imaxes deixando un espazo entre elas. Logo, nese espazo, indica: nome do material e para que se emprega. Procurade que sexan do mesmo estilo (tamaño, visibilidade, descrición ...)

O material a buscar é:

- Agitador magnético.

- Autoclave. 

- Centrifugadora.

- Espectrofotómetro.

- Incubadora.

- Microscopio.

- Multímetro.

- Termómetro.

ACUARIO: O PH.

 O segundo parámetro que ides a medir para controlar a calidade da auga do acuario e o pH da auga.

O pH mide a acidez ou alcalinidade (tamén chamada basicidade) da auga.
Se poidéramos aumentar unha gota de auga ata poder ver os seus compoñentes atoparíamos que case todo o observado serían moléculas de auga (H2O) pero tamen observaríamos OH e de H, e dicir, os compoñentes da molécula. 

Dito dunha forma simple o pH mide a abundancia na auga (en química se di concentración) dun ou doutro compoñente.

Para que os peixes vivan "saudablemente" a auga ten que ter un pH entre 6,5 e 7,5. Preferiblemente un pH de 7.

Explicareino en clase.

Actividade 14: O material do laboratorio.

  Na aula virtúal da materia tedes unha presentación sobre o material que hai no laboratorio. Tedes que:

- Acceder a aula virtúal. Atopar a Unidade 2: O laboratorio. Ir á presentación chamada "O material do laboratorio"dentro e mirar a presentación.

- Contestar as seguintes preguntas: 

1. Fai unha lista co material que hai no laboratorio. de cada un tes que poñer o nome e para que se emprega. Fíxate ben nas imaxes pois o terás que recoñecer cando vaiamos o laboratorio.

2. No laboratorio do IES temos outro material: mecheros Bunsen, centrifugadora ou placas Petri, por exemplo. Busca para que serve este material.

A semana da ciencia

A Semana da Ciencia é o maior evento anual de divulgación da ciencia a nivel europeo. Desenvòlvese entre do 3 ao 15 de novembro e inclúe todo tipo de iniciativas para que tod@s coñezamos a importancia da Ciencia. 

Durante duas semanas cada un de vos desenvolveredes un proxecto cientįfico e, para rematar, faredes unha exposición dos proxectos.

De momento unha pista sobre o tema que imos a traballar ,,,😷

Á representación anterior onde se mestura imaxe e explicación se lle chama Infografía. Fíxate ben nela, le con atención e infórmate sobre o COVID. Pronto aprenderás a facer infografías de xeito sinxelo.

Actividade 13: O traballo no laboratorio.

  Na aula virtúal da materia tedes unha presentación sobre como se debe de traballar no laboratorio. Tedes que:

- Acceder a aula virtúal. Atopar a Unidade 2: O laboratorio. Ir á presentación chamada "O traballo no laboratorio"dentro e mirar a presentación.

- Contestar as seguintes preguntas: 

    1. Indica, alomenos, tres precauciones que debemos de ter ao traballar con productos químicos?.

    2. Se necesitamos quentar algunha substancia como debemos de facelo?.

    3. Que debemos facer cos refugallos que queden unha vez rematada a práctica?

    4. Como se recomenda ir vestido cando se fan prácticas?.

    5. Para que serven os pictogramas que atopamos nos produtos químicos?

    6. Cal é o protocolo de actuación en caso de accidente?

ACUARIO: A TEMPERATURA.

 Estes días empezaredes a medir a calidade da auga do noso acuario. O primeiro parámetro que hai que controlar se queremos ter animais e plantas en bó estado é a temperatura.

O noso acuario é de auga quente, xa que os peixes e as plantas que imos a introducir nel proceden orixinalmente de zonas tropicais. Se non lles proporcionamos unha temperatura axeitada as consecuencias poden ir dende a falta de crecemento ata a morte. Neste sentido as plantas son máis resistentes.

A temperatura da auga debe de estar entre 22 e 28 graos centígrados, pero a temperatura óptima é duns 24-25 graos.

Explicareino en clase.

Actividade 12: Algúns científicos (Marie Curie)

 Continuamos estudando cientificas, neste caso Marie Curie.

Tedes que facer o seguinte:

1. Procurar información en internet sobre a científica: onde e cando naceu e morreu; en que ciencia/s destacou; que premios obtivo na súa traxectoria.

2. Que é a radioactividade?

3. Que son o polonio e o radio?, de onde veñen os seus nomes?.

4. Indica unha aplicación boa e outra mala da radioactividade.

5. Unha vez contestado todo, busca unha imaxe de Marie Curie e insértala na entrada do blog.

Unidade 2: O LABORATORIO - Actividade 11

 

Empezamos a segunda unidade do curso, O LABORATORIO. 

A faremos de xeito práctico na clase do venres no laboratorio de Bioloxía e Xeoloxía.

A continuación tedes unha infografía relativa aos perigos dun mal uso do laboratorio.

 1. Le con atención na imaxe seguinte, logo no teu blog fai dous grupos segunda súa perigosidade (alta e baixa), e describe brevemente cada un de xeito que o podas estudar cara ao exame.

2. Cando estiveches en cursos anteriores nun laboratorio cumplíronse estas normas? Se fixo algunha actividade considerada de risco? Cal?

3. Nunha situación coma a do COVID que outras normas para evitar riscos terías que cumprir?

Actividade 10: Acceder a aula virtúal da materia.

 Imos a empezar a empregar a aula virtúal da materia. 

De momento só temos traballado co blog. Este ten moitas vantaxes a hora de facer actividades curtas e dinámicas pero non vale, por exemplo, para ver presentacións ou actividades para avaliar.

Tedes que ir a aula virtúal, localizar o crebacabezas da unidade 1 e facelo.

Actividade 9: O número 0

Completamos a información da entrada anteriorDeixamos de momento .

No seguínte enlace O número 0 tedes a historia (e algunhas curiosidades) deste número  singular.

Unha vez lido contestade directamente no voso blog (non o imos a correxir antes como nas anteriores tarefas)

1. Que é o 0 posicional? 

2. Cales foron as primeiras civilizacions en empregalo? como chegou a Europa?

3. Pensás que o 0 foi imprescindible para facer operacións complexas? Pon un exemplo.

4. Agora una pregunta de pensar e entender. Podemos dividir un número entre 0?, e 0 entre 0?

5. O número 0 é par ou impar? Matemáticamente como sabemos se un número e impar?

Actividade 8: A historia do número 1

 Os tres científicos que acabamos de estudar empregaban, fundamentalmente, as matemáticas. Como sabedes a base das matemáticas é o emprego dos números.

Imos a ver en clase o documental da Historia do número 1 (e doutros números) ao longo da historia. Como no caso do número 0 non se vai a correxir previamente.

Mirade o seguinte video e utilizade auriculares ou cascos para non molestar na clase. Os vai levar toda a clase, cando cheguedes ao minuto 45 parade.

 

Facede as seguinte preguntas, logo as corriximos e as pasades ao blog:

1 - Cales son as evidencias máis antigas de que os humanos sabían contar?

2 - En que civilización ou civilizacións aparecen as primeiras probas de operacións aritméticas? Cales son?

3 - Que mátemáticos da antiga Grecia aparecen no documental? e romanos?

4 - A que número actúal corresponde o seguinte número romano: MCMXXVII.

5 - Onde, según o documental foi descuberto o número 0? é esto certo?

6 - Hoxe en día en todo o mundo se emprega a numeración decimal baseada no 0,      1, 2... como chegou a Europa?, en que século? a que numeración substituíu? 

7- De onde proceden e que significan as seguintes palabras: diezmar, bancarrota

Os ángulos.

 Na derradeira clase adicada a Pitágoras comprobei que non vos lembrábades dos ángulos máis característicos que aparecen nas figuras planas. 

Hai van dúas imaxes que debedes de engadir ao material para preparar o exame.

O teorema da suma dos ángulos internos dun triángulo di que a suma dos tres ángulos é igual a 180º.

Actividade 7: Algúns científicos (Pitágoras)

 Seguimos ca serie dalgúns dos máis importantes científicos da historia. Agora con Pitágoras.

Coma sempre tedes a información e as preguntas na sección Recursos.

Actividade 6: Algúns científicos (Euler)

 Continuamos aprendendo doutros científicos que aplicaron para as súas observacións o método científico. Agora coñecendo a Euler. 

Tedes a súa biografía e as actividades para facer na páxina de Recursos.

Magnitudes e unidades

 Nestes días estades traballando coas medida e as unidades. Para que o consultedes vos deixo:  

1 - Tres exemplos de magnitudes coas súas unidades.

2 - Definicións para estudar.

Volume e capacidade son dúas magnitudes diferentes pero directamente relacionadas.

O volume dun corpo é a cantidade de espazo que ocupa, mídese en metros cúbicos ou en cualquera dos seus múltiplos e submúltiplos.

A capacidade indica o que cabe dentro dun corpo ou recipiente, mídese en litros ou en cualquera dos seus múltiplos e submúltiplos.

3 - Táboa de magnitudes e as súas unidades para estudar.

dd

Actividade 5: Algúns científicos (Arquímedes)

 Dentro desta primeira unidade do curso chamada A Ciencia e os Científicos imos ver a vida e os descubrementos dalgún deles e empezamos por un que, sen dúbida, vos sona, o grego Arquímedes.

Tedes que facer o seguinte:

1. Na páxina Recursos deste blog lede o texto.

2. Se algo non entendedes preguntade.

3. Facer os exercicios.

4. Coma sempre os corriximos e os pasades ao voso blog.

Infografía sobre o Método científico

 Sabédes o que é unha infografía? O longo do curso aprenderemos como crealas e cal é a súa utilidade.

De momento, fixadevos nela e ide aprendendo as etapas do Método científico.

Actividade 4: O método científico

Nesta actividade imos a aprender que é o Método científico. 

Teredes que facer o seguinte: 

1. Ler con atención a fotocopia que vos entreguei do método científico. Se algo non se entende preguntade. 

2. Facer os exercicios propostos nas fotocopias. Logo os correxiremos en clase.

3. Unha vez correxidos os exercicios creade unha nova entrada no voso blog e poñede como título "Actividade 4: O método científico"

4. Copiade as preguntas e as respostas corrixidas a esta nova entrada do voso blog.

Facédeo con cuidado pois o blog será como o voso libro de texto e a vosa libreta de exercicios e polo tanto puntuará dobremente: polos exercicios ben feitos e porque destes exercicios saíran as preguntas do exame.

Actividade 3: Que é a ciencia? Ciencia y seudociencia.

1. Que é unha seudociencia?.

2. Busca 3 exemplos de seudociencias e explica en que consisten.

3. Agora busca  3 exemplos de ciencias e explica que é o que estudan.

4. Como podemos distinguir se algo é ciencia o seudociencia?.